حب! بلا و لا شي..

الأزمة الاقتصادية جايبة مسد. تونس في الليستة الكحلة والشياح ضارب البلاد، وحتى كان اليد قليلة والشهيرة حويلة، لازمنا نلقاو حيلة ونحتفلوا بالحب.

 بلا ولا شي قالك عمك زياد الرحباني… لكنأحنا حبينا نسألوا النساء حول طريقة الاحتفال المفضلة بالسانت فالانتاين. بعد سبر آراء موسع وتحليل وجهات نظر برشة نساء مالخمسة والعشرين سنة لفوق الثلاثين، وخلافا لكل التوقعات تفاجئنا بنتائج الدراسة..

إشنية تستنى في عيد الحب

Capture

 !!الخبر المفرح إليكم أعزائنا الرجال التوانسة، اللي السانت فالانتاين ماهوش مكلف حتى طرف

أكهو 17 % من النساء التوانسة يستناو في هدية بمناسبة عيد الحب. بره عاد قولوا اللي نسانا ماديات ومتطلبات وشقنوصات وهات من آكا اللاوي. في الحقيقة، 38 % يستناو في سهرة رومانسية، مش مهم وين، ومش بالضرورة مكلفة، الفايدة في الدفا والشموع وريق التزعبين. أما المفاجأة الكبرى أنو الأغلبية الساحقة تحب –وبكل بساطة- على واحد بنين. أيه أيه، واحد بنين. التونسيات يرفعن شعار « نعم للسعادة الطبيعية ». الإمكانية متوفرة أما موش بالبساطة اللي يتخيلوها برشة رجال. حبينا في هذا المقال نشرحولهم تطلعات النساء ونعطيوهم النصائح لتفعيل شعار المرحلة

« Il suffit de presque rien »

أشنية أكثر حاجات تخلي البارتينار متاعك تستمتع كيف تعمل واحد

Les préliminaires أولا

و ما تنساش حسك ميزانك، كل واحدة و كيفها، و كل نهار و قسموا..sp_gif_116_north_510x510_transparent

ثانيا: الفيانة

.التدحنيس والتدحليس والكلام البنين وبرشة برشة برشة حنان
!!!نعاودو بارشة حنان

ثالثا: العاطفة

يقول الخبراء أن الرجال المصابين برُهاب العاطفة هم الأضعف جنسيا، فلذا يُنصح بالتصالح مع العواطف لصيانة الحيوية الجنسية والفحولة. « كلمة نحبك ما تقدمش ».

رابعا: الكلام

التعبير حاجة مهمة برشة، والكلام الحلو أهم. مش خرسٌ بكمٌ عمي ماد الأربعة وتحب هناني بناني. شوية مجهود في التواصل والتعبير فيها باس

أشنية أكثر حاجة تنجم تفسدلك جوك

أولا: الشيخة

اللعبة بالغورة سيدي خويا؟ تشيخ وما تشيخش؟ هالشي لا قال بيه ربي لا عبادو. الأغلبية الساحقة متاع نسانا تتشكى من غياب التوزيع العادل للشيخة53145

 

ثانيا: الزربة

  ماو لاباس توحّل في الميتين؟

عقّل عقّل ! ناس بكري قالوا « دبّة دبّة والمبات في سيدي الهاني ». يعني سيدي خويا، وحيدة وحيدة، ما عندك علاش مزروب. موش وحدك راهو

ثالثا: التقوعير

: التقوعير سيدي خويا برشة أنواع، الكلاسط الناتنة، اللحية المسيبة، الضبابط المعفنة، الفم الأبخر، الكراسح المسودة.. وكلو كوم والمنطق العادم كوم.. التخرنين والتقنقين واللسان الفالت قصاص الحلاوة، اللي يحب يود عشيرتو بواحد بنين ما عليه كان بالهندام الحسن والرائحة  الطيبة والمنطق الحلو

رابعا: الحوادث العرضية

البص، التقريعة، حكان الكراكز، نقبة الخرا كي تبدا تحك، الشخير كي يضرب لراس النهج.. هاذم الكل حاجات عرضية أما راهم النساء يموتوا ويفوروا منهم.

Monsieurs, les préjugés qu’il faut changer!

أولا: العنف تعبير عن الشهوة

كيف تجي تعمل واحد، حط في بالك اللي إنت موكش النمر المقنع. ماهوش طرح آبدو، والشهوة موش بالخضان. سافا؟

ثانيا: النساء الكل كيف كيف

: آبي !!!! ماناش كيف كيف. مانا قلنا ماناش كيف كيف وفكوا علينا من ريق المرا التونسية. كل مرا وأرطالها. كل وحدة وريقها وشيختها 53137وخنارها. واللي يحب يدخل، يفركس الطريق منين

 

 

 

!ثالثا: شاهية وتنكّس والبنات يحبوا الاغتصاب

tenor

صديقي، نقّص مالبورنو عيشك

!!!رابعا: حذاري من استسهال المنافس

شنية هالهدرة، النساء ديما شاهين ويحبوا الدوميناسيون وقابلين وراضين والأنال ما يوجعش  وما يعرفو شي وما عندهمش فانتازم
ووضعيات مفضلة إلخ إلخ إلخ والكليتوريس ما فماش؟

!!ستنى الساعة، تعرفو الكليتوريس؟؟ مثّبت؟ هالوووووو

:مختارات من رسائل النساء إلى الرجال

تنويه: هذا المضمون يحمل رسائل عنف وكراهية، لذلك وقع حذفه مراعاة لمشاعر الرجال

مصرين ؟

amam 2014

 نزيدكم ؟

 

مختارات من رسائل النساء للنساء

jklkhjlh

 رسالتنا للرجال و للنساء، حبوا رواحكم و حبوا بعضكم  و ما تنساوش شعار المرحلة و كل المراحل الجاية

« Il suffit de presque rien »

!!و إنشاله ديمة ديمة شايخين

أمل خليف & هيكل حزقي

Publicités

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion /  Changer )

Photo Google+

Vous commentez à l'aide de votre compte Google+. Déconnexion /  Changer )

Image Twitter

Vous commentez à l'aide de votre compte Twitter. Déconnexion /  Changer )

Photo Facebook

Vous commentez à l'aide de votre compte Facebook. Déconnexion /  Changer )

w

Connexion à %s