تعهد بالقضاء على العنف ضد النساء

علاش الالتزام هذا ؟
على خاطر العنف ضد النساء، البنات و المجموعات المنبوذة، هو انتهاك لحقوق الانسان. هو زادة تمييز ضد النساء هاذم يخلي عدم المساواة متواصل بين النساء و الرجال.
العنف عاقبتو خايبة بالنسبة للنساء و الرجال أما ماهوش حاجة مفروضة علينا و الوقاية منو مش ممكنة اكهو اما لازمة.
المسألة عالمية و 70% مالنساء تعرضو للعنف في حياتهم.
باش تنجم تبدا ؟
العنف الجنسوي ماهوش مشكلة النساء كهو اما مشكلة الناس الكل. الكلنا عنا دور لازم نلعبوه و مالازمناش انغمضو عينينا.
الالتزام بتشكيل مجتمع قائم عالاحترام يشجع  النساء المعنفات باش يتكلمو يعاون الي منعو باش يبراو.
ال 16 يوم متاع النشاط ضد العنف المسلط على النساء هوما فرصة نتفكرو فيهم الضحايا و نتحركو فيهم. شاركوا في القضاء على العنف المسلط على النساء.
ما تنساش تبارتاجي العريضة
كيفاش تلتزم بالحق ؟
  • خمم مليح في شنوة تنجم تعمل كي تشوف اعتداء و الا تهديد.
  • اذا كان تحس الي حد مالناس الي دايرين بيك تعرض للعنف، لازمك تعرف الي فما اشخاص و هياكل مؤهلة تنجم تعاونو. الي يتعرض للعنف، يحتاج للاعتراف بكونو ضحية باش ينجم يعاود يبني حياتو نفسيا و جسديا. باش تعاون المرا المعنفة وجهها، اسمعها، خليها تعبر. قوللها الي العنف ما عندوش مبرر و ماهوش مقبول و شوف معاها طريقة تحمي بيها روحها.
  • حاسس الي واحد من اصحابك عنيف ؟ احكي معاه في الموضوع، وعّيه و احمي االمرا المعنفة والا الي اتنجم تكون معنفة.
  • اذا كانك تكره العنف المسلط على النساء و المجموعات المنبوذة قولها و بصوت عالي.
  • كان كنت في فترة من حياتك عنيف، خلي شكون يعاونك، أصعب خطوة هي الوعي.
  • ما تنساش تعطي المثل و تكون قدوة اجتماعيه ثقافية للي أصغر منك.
  • خليهم يكون أحسن منا. داوي، اتكلم، كون فايق و رد بالك. شجع عالحوار، وعّي، و افضح الممارسات.
  • استغلّ مواقع التواصل الاجتماعي باش تعلم الي يرتادو هالمواقع و توريهم مساندتك للنساء المعنفات من خلال نشرك لمحتويات منهم هالمقال باش تفضح و توعي.
  • كان امكانياتك تسمح، ما فيها باس تعاون في تمويل ملاجئ لضحايا العنف و حملات توعية و مكافحة للعنف ضد النساء.
  • استدعي ناس اخرين لحوارات عالعنف المسلط على النساء و شوفو شنوة اتنجمو تعملو باش تعاونو في القضاء عليه.
  • مثلا اذا كانك عضو في نادي قراءة، اقترح عناوين تتناول موضوع العنف.
  • في خدمتك، في مكتب، نظم نهار للتوعية في الموضوع.

اشهد !

اشهد و احنا ننشرو شهادتك على مدونتنا و على صفحاتنا حتى كان ما تحبش تكشف اسمك. و لازم تعرف الي احنا يفرحنا برشه نحكيو و اناقشو معاك.

Publicités

One Comment

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s