زوز نساء

بوسة..تعنيقة..يضرب التالفيون..لا ايجا هوني..ابقا عندي..ماتهزش..بوسة..تعنيقة..لا خنشوف..أمي..ألو..وينيك..في قهوة..باهي كي تروح عنا ما نحكيو…

سكات..تنهيدة..و حيرة.. خرجو من الدار..من جنّتهم الصغيرة..اليد في اليد..هوما زوز بنات ماشين في طريق طويلة..كيفهم كيفما الاف البنات..اللي يبداو ماشين في الثنية..وحدّ مايرّكز vraiment معاهم..à part البزناسة bien sûrاللي غاصت بيهم شوارع تونس.. ماشين مع بعضهم..في عينيهم برشا خوف و محبة..خوف من غزرة الناس..اللي كان تعرف بحقيقتهم..عادي » تقطّع أيديهم و أرجلهم من خلاف » .. اه امالا..هوما و اللي كيفهم كوليرا عالمجتمع و عاصفة  » تزعزع عرش الرحمان »..كاينو عرش الرحمان ما تحرّكش من نفاقهم و كذبهم و كرههم لبعضهم و يسنى في زوز نساء يحبو بعضهم باش يتزعزع.. برشا خوف..اما في شدّة ايديهم برشا قوة و عشقة كبيرة..برشا جاش و صبر عالكلمة الدونية متع ناس عايشة في بحبوحة من النفاق الاجتماعي..

وصلو قدّام دارها..ايجا هوني..ماتخافش انا معاك..و مهما يصير ما نخليكش..انتي خليتني نعرف اللي الدنيا مزيانة و تتحب..انتي بنتي الصغيرة و عشقتي الكبيرة..مانسيبكش..مهما يعملولنا و يعملو فينا..ديما مع بعضنا..وحد مايفرّقنا..كلّمني كي تكمّل..

تك..دورة مفتاح..

حمدلله عليك للة..تو مروّحة..غزرة..شفما قتلي عنّا ما نحكيو..اي ايجا هوني شكوني هاذي ***** ..شنوة هالكلام و هالغرام و هالنحبّك و تحبّني و مرتي و عينيا..هاذي تربيتي فيك..شبيك اش صارلك باش تحب مرا كيفك كيفها..اعوذ بالله منهم في زوز..ياخي مريضة قلي كان بيك حاجة عيش بنتي نهزك لpsy..قلي عيش بنتي نعملو اللازم الكل باش تنحي هالحاجات من مخك..ماخممتش فينا..ماخممتش في الناس اش باش تقول علينا..ناسية اللي انتي عايشة في تونس..اش قالك و اش قال عليك ****عاشقة في مرا..اش تفرق عالقحبة انتي وياها..j’ai eu des nausées و انا نقرا في vos conversations sur facebook كيفاش عايشين شكون فيكم المرا و شكون فيكم الزاجل ..ماتخممش في نهار غدوة..ماتحبش تعمل دار و صغار كي خلق ربي..شكون باش يغزرلك و انتي هكا..فيبالك قرايتك و شهايدك باش يشفعولك..ياخي شبيك تبدّلت..اخزرلي كي نحكي معاك..من قلّة الرجال في هالبلاد..هاذي اش علمتك قرايتك في الجامعة..تي ستر ربي تعرف اللي تعمل فيه ممنوع ..مانيش باش نقلك حرام خاتر يظهر فيك ماعاش تعرفو انتي ربّي.. و شكوني هاذي هي منين عرفتها منين خرجتلك ؟؟ وحدة ماتتهزش بمقص النار تلعب بيك و باش تهزك للهاوية.. Eih 

من فضلك امي..حتى لهوني و يزي..مانسمحلكش تقول فيها حتى كلمة اخرى..هاذيكا المرا اللي حلّتلي عيني عالدنيا..خلاتني نشوفها بالالوان..نعشقها و نعشق كل ريحة من روايحها و كل تركينة من تراكنها..كيف ما نعشقها هي بكل ضحكاتها و غزراتها و تفاصيلها الصغيرة و حتى ses crises d’humeur.. اللي باش تهزني للهاوية هزتني لدنيا بعيدة مزيانة جنّة على حالها..رجعتلي النفحة و الكيف باش نعيش..نحبّها كيما مرا تحب مرا..اللي قلت عليها قحبة خلاّتني نكون فرحانة و en vie.. حاجة اللي حتى راجل في هالدنيا ما قدر يعملهالي..نعرفك ماكش باش تفهمني ولا تحس بيّا..après tout انتي حتى عرسك مع بابا مانضنش مبني عالحب..اما اعرف اللي انا المرا هاذي مانيش مسلمة فيها مهما يصير..و مع بعضنا ناقفو قدام الدنيا و اللي فيها… كف..دمعة..سكات..هزّت ساكها..طربيقة باب…

ألو..وي فاقت بكل شيء..مانيش عارفة شنعمل..ماتخافش ماكش وحدك..انا معاك..برا لقهوتنا متع العادة..هاني جيتك.. باهي نحبّك..و أنا نعشقك…

Climensia.S

Publicités

13 Comments

  1. هي و هي
    حكاية حب
    ماقريناهش في الكتب
    ما علمونهاش في المدارس

    هي و هي
    حكم عليهم المجتمع
    تعارضلهم القانون
    من غير موجب مقبول
    هي و هي

    موجودين
    و بميولاتهم راضين
    و في المجتمع عايشين
    و هذا حق مش مزية
    و كان في بالك مزية
    بدل الثنية و خليهم

    Aimé par 5 people

  2. Je suis toucher par ta petite histoire… j’aime vivre une tel histoire avec une femme malgrés le regard des gents l’amour d’une femme a une autre femme est le bonheur externe !♡♡♡

    Aimé par 1 personne

  3. Tellement beau et touchant.
    Il est si rare que l’homosexualité en Tunisie soit décrite avec autant de sensibilité. Vous parlez des obstacles auxquels nous faisons face avec tellement de justesse, vous décrivez la violence avec douceur.
    Merci pour ce partage !

    Aimé par 2 people

Laisser un commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l'aide de votre compte WordPress.com. Déconnexion / Changer )

Image Twitter

Vous commentez à l'aide de votre compte Twitter. Déconnexion / Changer )

Photo Facebook

Vous commentez à l'aide de votre compte Facebook. Déconnexion / Changer )

Photo Google+

Vous commentez à l'aide de votre compte Google+. Déconnexion / Changer )

Connexion à %s